Rahımbaev Aıdyn Jýmadılovıch

25 February 2017
Laýazymy: Vıse-Prezıdent

Baqylaýshy aksıoner jáne BI Group qurylys-ınvestısıalyq kompanıasy Dırektorlar keńesiniń Tóraǵasy.   

A. Rahımbaev óziniń jeke menshik shaǵyn qurylys kompanıasyn aınalymy 1 mlrd. dollardan astam  elimizdegi eń iri qurylys holdıńisine aınaldyrdy. BI Group bir mezgilde Qazaqstanda jáne shet elderde 88 jobany iske asyrýda. Sońǵy birneshe jyldyń ishinde kompanıa turaqty túrde bınzestiń ulttyq kóshbasshylary arasyndaǵy reıtıńte aldyńǵy oryndardy ıelenip keledi, sonymen birge, ENR TOR 250 álemdegi eń iri qurylys kompanıalary halyqaralyq reıtıńisinde Qazaqstan atynan usynylǵan jalǵyz kompanıa bolyp tabylady.

Aıdyn Rahımbaev sondaı-aq QR Qurylysshylary qaýymdastyǵynyń (QQQ) Tóraǵasy, «Atameken» Odaǵynyń basqarma múshesi, QR Prezıdenti janyndaǵy Kásipkerler Odaǵynyń múshesi, «Ertis hımıa-metalýrgıa zaýyty» AQ Dırektorlar keńesiniń múshesi.  

Memlekettik nagradalar men syılyqtardyń ıegeri: «Qurmet» memlekettik ordeniniń kavaleri, QR Prezıdentiniń qurmetti dıplomymen marapattalǵan.  

SPORTYQ JETİSTİKTERİ  

Avtokross boıynsha Qazaqstan Respýblıkasy Chempıonaty kezeńiniń qola júldegeri, qysqy trek avtojarysy boıynsha QR Ashyq Kýbogynyń jeńimpazy. «Dakar» 2008, 2013, 2015 ralıinde qazaqstandyq quramanyń múshesi. Dakar-2015 jarysynyń qorytyndylary boıynsha BMW avtokonsernniń Mini komandasynda qatysa otyryp, TOP-10 álemniń eń úzdik jarysýshylary qataryna kirdi.   

2016 jyly Beıjińde halyqaralyq Silk Way Rally-de TOP-5 eń úzdik jarysýshylar qataryna kirdi. IRONMAN Vichy-2016 trıatlon jarysynyń qatysýshysy jáne IRONMAN Barselona-2016 fınalǵa qatysýshy.

Sonymen qatar, «Ana úıi» aýqymdy jobanyń demeýshisi, bastamashysy jáne seriktesi retinde tanymal, múmkindigi shekteýli balalardyń medısınalyq ońaltylýyna, oqytýǵa jáne áleýmettenýine baǵdarlanǵan turaqty túrde áreket etetin birneshe qaıyrymdylyq qor men jobanyń qamqorshysy. Jyl saıynǵy qalalyq BI-Marathon negizin qalaýshy.   

Úılengen. Jubaıy Anar Rahımbaevamen 7 bala tárbıeleýde. Anar Rahımbaeva «Ana úıi» qaıyrymdylyq jobanyń jetekshisi.