Африка кубогында Аян Бейсенбаев топ жарды

Ақтауда финал өтіп жатқан уақытта, Зимбабвенің Ньянга қаласында триатлоннан өткен Африка кубогында ұлттық құрама мүшесі Аян Бейсенбаев топ жарды. Ол спринт қашықтығын 1:01:18 уақытта бағындырып, Elite санатында алтын жүлдеге ие болды.

Екінші және үшінші орындарды Марокконың спортшылары алды: Джавад Абдельмула (1:01:44) мен Бадр Сиване (1:04:18).

Әйелдер санатында бірінші және екінші орындарды ОАР спортшылары иеленді: Ханна Ньюман (1:13:11) мен Бриджет Теуниссен (1:16:08). Үштікті жергілікті спортшы Гриир Уинн (1:21:59) тұйықтады.

Аянды жеңіспен құттықтаймыз!